७ नोव्हेंबर चालू घडामोडी

Daily Current Affairs in Marathi (चालू घडामोडी) |7 November 2023

Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam

RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात. बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.

विराट कोहलीने केले फिंगर क्रॉस, सेमीफायनल किंवा फायनलमध्ये सचिनची इच्छा होईल पूर्ण? जाणून घ्या

विराट कोहली म्हणाला की, “२०२३च्या विश्वचषक स्पर्धेत दक्षिण आफ्रिकेविरुद्ध सचिन तेंडुलकरच्या सर्वाधिक एकदिवसीय शतकांच्या विक्रमाची बरोबरी करणे हा माझ्यासाठी भावनिक क्षण आहे.” कोहलीने रविवारी ३५व्या वाढदिवसानिमित्त विश्वचषकातील सामन्यात १२१ चेंडूत नाबाद १०१ धावा केल्या. हे त्याच्या एकदिवसीय कारकिर्दीतील ४९वे शतक होते, त्याने एकदिवसीय क्रिकेटमध्ये सर्वाधिक शतके करणाऱ्या सचिनची बरोबरी केली आहे. या विक्रमानंतर सचिनने विराट कोहलीचे ट्वीट करून अभिनंदन केले होते आणि कोहली लवकरच आपले ५०वे शतक झळकावेल आणि त्याचा विक्रम मोडेल अशा शुभेच्छा दिल्या आहेत.
सामन्यानंतर कोहलीने बीसीसीआयच्या एका व्हिडीओमध्ये सचिनच्या विक्रमाची बरोबरी केल्यानंतर सांगितले की, “माझ्यासाठी ही खूप भावनिक गोष्ट आहे. मी त्यांना आदर्श मानून मोठा झालो, भारतासाठी खेळण्याचे माझे स्वप्न होते. त्यांना खेळताना पाहणे आणि एकदिवसीय सामन्यांमध्ये त्यांच्या विक्रमाची बरोबरी करणे हा माझ्यासाठी एक अभिमानास्पद क्षण आहे. इथपर्यंत पोहोचेन असं स्वप्नातही वाटलं नव्हतं. मी स्वतःला भाग्यवान समजतो.”
४९ एकदिवसीय शतकांच्या विक्रमाची बरोबरी केल्यानंतर, कोहली म्हणाला की, सचिन तेंडुलकर त्याच्यासाठी नेहमीच नंबर वन असेल. माझे करिअर इथपर्यंत पोहोचले याचा मला आनंद आहे. कोहली म्हणाला, “मी सामन्यानंतर म्हटल्याप्रमाणे, काहीही झाले तरी माझ्यासाठी ते नेहमीच नंबर वन असतील. माझा आजवरचा प्रवास हा त्यांच्यामुळेच झाला आहे. मी इथपर्यंत पोहोचण्यात यशस्वी झालो याचा मला आनंद आहे. मी माझ्या देशासाठी सामने जिंकत आहे, जसे त्यांनी (सचिन तेंडुलकर) कौतुक केले.”

विराट कोहलीने केले फिंगर क्रॉस, सेमीफायनल किंवा फायनलमध्ये सचिनची इच्छा पूर्ण करायची आहे.

विराट कोहलीचे अभिनंदन करताना सचिन तेंडुलकरने लिहिले होते, “विराट खूप चांगला खेळला. ९९चे १०० करण्यासाठी मला ३६५ दिवस लागले होते. मला आशा आहे की, तू ४९ वरून ५० करण्यासाठी पुढील काही दिवसात माझा विक्रम मोडणार. अभिनंदन!”

नेट परीक्षा डिसेंबरमध्ये; ३० नोव्हेंबरपर्यंत अर्ज करण्याची संधी

वैज्ञानिक तथा औद्योगिक अनुसंधान परिषदेसाठी (सीएसआयआर) विद्यापीठ अनुदान आयोग (यूजीसी) द्वारे आयोजित करण्यात येणारी राष्ट्रीय पात्रता परीक्षा (नेट) यंदा २६ ते २८ डिसेंबर अशी तीन दिवस देशभर पार पडणार आहे. त्यासाठी ३० नोव्हेंबरपर्यंत विद्यार्थ्यांना अर्ज करण्याची व शुल्क जमा करण्याची मुदत आहे.
अर्जांच्या दुरुस्तीसाठीही युजीसीने २ ते ४ डिसेंबरदरम्यान एक संधी उपलब्ध करुन दिली आहे. दरम्यान डिसेंबरमध्ये होणाऱ्या परीक्षेचा निकाल पुढील वर्षी जानेवारी-फेब्रुवारी २०२४ मध्ये घोषित केला जाणार असल्याची नॅशनल टेस्टिंग एजन्सी (एनटीए) ने जाहीर केलेल्या वेळापत्रकात नमूद आहे. परीक्षा सीबीटी पद्धतीने म्‍हणजे संगणक आधारित असेल. अर्ज भरण्यासह अधिक माहितीसाठी csirnet.nta.ac.in या संकेतस्थळावर भेट देता येईल.
एमसीक्यू पध्दतीचे प्रश्न, ३ तासांची परीक्षा सीएआयआर नेट परीक्षा ही १८० मिनिटे म्हणजे ३ तासांची असणार आहे. त्यात एमसीक्यू म्हणजे ऑब्जेक्टीव्ह स्वरुपात बहुपर्यायी प्रश्न म्हणजे संगणक आधारित असेल. असतील, विशेष म्हणजे परीक्षेत अधिक निगेटीव्ह माकींग नसेल. तसेच परीक्षा ही हिंदी आणि इंग्रजी स्वरुपात होईल.

प्रवर्गनिहाय शुल्क असे….

परीक्षेचे शुल्क हे प्रवर्गनिहाय भिन्न आहे. सर्वसाधारण गटासाठी ११०० रुपये आकारले जातील. तर इडब्ल्यूएस, ओबीसींसाठी ते निम्मे म्हणजे ५५० रुपये आणि एससी, एसटी आणि तृतीय पंथीयांसाठी मात्र २७५ रुपये शुल्क आकारले जाईल. दिव्यांग अर्थात पीडब्ल्यूडी उमेदवारांना कुठलेही शुल्क आकारले जाणार नाही. त्यासाठी जातीचे आणि जातप्रमाणपत्र तसेच दिव्यांगांना आपले दिव्यांग असल्याचे प्रमाणपत्र सादर करावे लागेल.

मालमत्तांचे योग्य मूल्य उघड केले नसल्याची ट्रम्प यांची कबुली

आर्थिक फसवणूक प्रकरणात अमेरिकेचे माजी अध्यक्ष डोनाल्ड ट्रम्प यांचा न्यूयॉर्क न्यायालयात सोमवारी जबाब नोंदवण्यास सुरुवात झाली. आपण आपल्या अनेक मालमत्तांचे योग्य मूल्य उघड केले नाही असे त्यांनी यावेळी कबूल केले. यावेळी डोनाल्ड ट्रम्प यांचे बोलणे भरकटलेले आणि उद्धटपणाचे होते.
आपल्या कंपनीने फ्लोरिडामधील मार-ए-लागो आणि डोराल गोल्फ कोर्स या मालमत्तांचे मूल्य कमी करून सांगितले आणि अन्य काही मालमत्तांसह ट्रम्प टॉवरचे मूल्य वाढवून सांगितले, अशी कबुली ट्रम्प यांनी दिली. मात्र, ही कबुली देतानाच मालमत्तांचे अंदाजे मूल्य ही फारशी महत्त्वाची बाब नसल्याचा दावा त्यांना केला.

दिल्लीत सम-विषम नियम लागू, बांधकामं बंद, शाळा आणि कार्यालयांसाठी नवे नियम

दिल्लीतल्या वाढत्या प्रदूषणावर उपाययोजना राबवण्यासाठी दिल्लीचे मुख्यमंत्री अरविंद केजरीवाल यांच्या अध्यक्षतेखाली एक उच्चस्तरीय बैठक काही वेळापूर्वी पार पडली. या बैठकीत अनेक महत्त्वाचे निर्णय घेण्यात आले. दिल्ली सरकारने १३ ते २० नोव्हेंबर या आठ दिवसांसाठी राज्यात वाहनांसाठी सम आणि विषम (ऑड अँड इव्हन) नियम लागू केले आहेत. त्याचबरोबर दिल्लीत पुढचे काही दिवस बांधकामं बंद ठेवली जातील. १० नोव्हेंबरपर्यंत १० वी आणि १२ वी या दोन इयत्ता वगळता इतर सर्व वर्गांमधील विद्यार्थ्यांना ऑनलाईन शिकवण्याच्या सूचना देण्यात आल्या आहेत. त्याचबरोबर दिल्लीत बीएस-३ पेट्रोल आणि बीएस-४ डिझेल वाहनांवरील बंदी कायम राहील.
दिल्लीचे पर्यावरण मंत्री गोपाल राय यांनी पत्रकार परिषद घेऊन आजच्या उच्चस्तरीय बैठकीत झालेल्या निर्णयांची माहिती दिली. दिल्लीत ३० ऑक्टोबरपासून प्रदूषण वाढलं आहे. या प्रदूषणाचं विश्लेषण करणाऱ्या संशोधक आणि तज्ज्ञांनी सांगितलं की दिल्लील्या हवेचा वेग मंदावला आहे. दुसऱ्या बाजूला तापमानही वेगाने घटलं आहेच. त्यामुळे दिल्लीतल्या समर-व्हिंटर अ‍ॅक्शन प्लानवर (हिवाळा आणि उन्हाळ्यातील वातावरणीय आव्हानांशी लढण्यासाठीची कृती योजना) ३६५ दिवस काम केलं जात आहे. दरम्यान, आजच्या बैठकीत दिल्लीत सरकारी आणि खासगी कार्यालयांमधील कर्मचाऱ्यांना घरून काम करण्याची मुभा देण्याबाबत (वर्क फॉर्म होम) निर्णय घेतला नाही. याबाबत विचार करून आगामी काळात निर्णय घेतला जाईल.
दिल्लीतील प्रदूषणाने अतिधोकादायक स्तर ओलांडला असून राजधानी परिक्षेत्रात शुक्रवारी काही ठिकाणी हवेचा गुणवत्ता निर्देशांक ५०० या चिंताजनक पातळीवर पोहोचला होता. दिल्लीच्या सीमेवरील गाझियाबाद, नोएडा, फरिदाबाद भागांमध्ये तर शुक्रवारी प्रदूषणाचा स्तर सुमारे ७०० पर्यंत गेला होता. धूर-धुळीमुळे दिल्लीचे आकाश पूर्णपणे झाकोळले गेले आहे. पुढील दोन आठवडे तरी हीच परिस्थिती कायम राहण्याची भीती व्यक्त केली जात आहे.
दिल्ली शहरातील वाहनांच्या प्रदूषणामध्ये पंजाब, हरियाणा आणि उत्तर प्रदेशातील शेत जाळण्याच्या घटनांमुळे होणाऱ्या प्रचंड धुराची भर पडली आहे. पंजाबमध्ये गुरुवारी एका दिवसामध्ये शेतातील खुंट जाळण्याचे सुमारे दोन हजार प्रकार घडल्याचे निदर्शनास आले. पुढील काही दिवसांमध्ये त्यांत आणखी वाढ होण्याची शक्यता असल्याने दिल्लीकरांना गंभीर प्रदूषणाला सामोरे जावे लागणार असल्याचा इशारा केंद्रीय यंत्रणांनी दिला आहे.

इस्रायलकडे जाणारी प्रवासी वाहतूक एअर इंडियाकडून स्थगित; ‘या’ तारखेपर्यंत सेवा राहणार बंद!

इस्रायल आणि हमास यांच्यातील संघर्ष दिवसेंदिवस वाढत आहेत. इस्रायलकडून सातत्याने गाझा पट्टीवर हवाई हल्ले होत असून मोठ्या प्रमाणात वित्त आणि जीवितहानी होत आहे. इस्रायलची राजधानी असलेल्या तेल अवीव शहरातही याचे पडसाद उमटत आहे. परिणामी या तणावाच्या पार्श्वभूमीवर एअर इंडियाने तेल अवीवला जाणारी नियोजित उड्डाणे काही काळासाठी स्थगित केली आहेत. या विमान कंपनीने ७ ऑक्टोबरपासून तेल अवीवला जाण्यासाठी आणि तेथून भारतात येणारी नियोजित उड्डाणे रद्द केली होती.
रविवारी एअरलाइनच्या प्रवक्त्याने सांगितले की, तेल अवीवची उड्डाणे ३० नोव्हेंबरपर्यंत स्थगित करण्यात आली आहेत. साधारणपणे, दिल्लीतून तेल अवीवला जाण्यासाठी आठवड्यातून पाच वेळा उड्डाणे असतात. सोमवार, मंगळवार, गुरुवार, शनिवार आणि रविवारी अशी ही सेवा असते. परंतु, आता वाढत्या संघर्षाच्या पार्श्वभूमीवर ही उड्डाणे रद्द करण्यात आली आहेत.
दरम्यान, इस्रायलमध्ये अडकेलेल्या भारतीयांना मायदेशी परत आणण्याकरता सरकारकडून ऑपरेशन अजय राबवण्यात येत आहेत. गेल्या महिन्यात ऑपरेशन अजय अंतर्गत हजारो भारतीय भारतीय मायदेशी परतले. ऑपरेशन अजयसाठी एअर इंडियाने चार्टर्ड सेवा पुरवली होती.

४८ तासांत युद्ध भडकणार?

पुढील ४८ तासांत इस्रायल लष्कर गाझा पट्टीवर आक्रमण करणार असल्याचं वृत्त इस्रायल माध्यमांनी दिलं आहे. तसंच, दक्षिण आणि उत्तर गाझा असे गाझा पट्टीचे दोन भाग झाल्याचेही वृत्तांमध्ये आहे. त्यामुळे येत्या काळात युद्धाचा भडका उडण्याची शक्यता आहे.

चालू घडामोडी प्रश्नमंजुषा

दिनविशेष

७ नोव्हेंबर चे दिनविशेष पाहण्यासाठी (येथे क्लिक करा)

अधिक घडामोडी:

Latest Maharashtra Govt. Jobs	Majhi Naukri 2022
Home Page	MPSC Today
Daily Current Affairs in Marathi	Chalu Ghadamodi