१३ जून चालू घडामोडी

Daily Current Affairs in Marathi (चालू घडामोडी) |13 June 2023

Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam

RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात. बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.

‘कोविन’वरील भारतीयांची वैयक्तिक माहिती सुरक्षित, वृत्त खोडसाळ असल्याचे केंद्राचे स्पष्टीकरण

आरोग्य मंत्रालयाच्या कोविन पोर्टलवर असलेली माहिती (डेटा) फुटल्याच्या वृत्ताचे केंद्र सरकारने सोमवारी खंडन केले. कोविन पोर्टलवरील माहिती पूर्णपणे सुरक्षित असून तिच्या गोपनीयतेसाठी पुरेशी सुरक्षाव्यवस्था असल्याचेही केंद्राने स्पष्ट केले.कोविन पोर्टलवरील नोंदणीकृत लाभार्थ्यांची माहिती फुटल्याचा दावा करणारे वृत्त खोडसाळ आणि निराधार आहे. देशाची सायबर सुरक्षा संस्था ‘भारतीय संगणक आपत्कालीन प्रतिसाद पथका’ने (सीईआरटी-इन) या संपूर्ण प्रकरणाचा आढावा घेतला असून भारतीयांची माहिती फुटल्याचे आढळलेले नाही, असे केंद्राने म्हटले आहे.
केंद्रीय इलेक्ट्रॉनिक्स आणि माहिती तंत्रज्ञान राज्यमंत्री राजीव चंद्रशेखर म्हणाले की, भारतीय संगणक आपत्कालीन प्रतिसाद पथकाने (सीईआरटी-इन) माहिती फुटल्याच्या कथित वृत्ताची त्वरित दखल घेऊन तपासणी केली असता सर्व भारतीयांची माहिती सुरक्षित असल्याचे आढळले.
टेलिग्राम ‘बीओटी’चा वापर करून लसीकरण झालेल्या व्यक्तींची वैयक्तिक माहिती मिळवली जात आहे. लाभार्थीचा मोबाइल क्रमांक किंवा आधार क्रमांकाद्वारे त्यांची वैयक्तिक माहिती मिळवण्यात आली आहे, असा दावा ट्विटर या समाजमाध्यमांवरील काही संदेशांमध्ये करण्यात आला होता. परंतु तपासणीत हा दावा खोडसाळ असल्याचे निष्पन्न झाले, असे केंद्राने स्पष्ट केले.

चौकशीची विरोधकांची मागणी

कोविन पोर्टलवरील नागरिकांची माहिती फुटल्याच्या कथित घटनेच्या चौकशीची मागणी विरोधी पक्षांनी केली. हे प्रकरण गुन्हेगारी स्वरूपाचे असल्याचा आरोप काँग्रेसने केला. सरकारचा डेटा संरक्षण कायद्या कशासाठी आहे? या प्रश्नाचे उत्तर संबंधित मंत्र्यांनी द्यावे, अशी मागणी काँग्रेसने केली. तर हा राष्ट्रीय चिंतेचा विषय आहे, असे तृणमूल काँग्रेसने म्हटले आहे.

घडले काय?

करोना लसीकरणासाठी केंद्र सरकारच्या कोविन पोर्टलवर नोंदणी केलेल्या भारतीय नागरिकांची संवेदनशील वैयक्तिक माहिती त्यांच्या आधार आणि पारपत्र क्रमांकांसह टेलिग्राम या समाजमाध्यमावरील एक स्वयंचलित खाते प्रसारित करीत आहे, असे वृत्त सकाळी पसरले होते. समाज-माध्यमांवरही तसे संदेश प्रसारित झाले होते.

यूपीएससी पूर्व परीक्षा २०२३ चा निकाल जाहीर; ‘या’ लिंकवरून लगेच चेक करा…

केंद्रीय लोकसेवा आयोगाकडून (यूपीएससी) नागरी सेवा पूर्व परीक्षा २८ मे रोजी घेण्यात आली होती. या परीक्षेचा निकाल जाहीर झाला आहे. upsc.gov.in आणि upsconline.nic.in या संकेतस्थळवर जाऊन निकाल पाहता येणार आहे.
यूपीएससी २०२२ चा निकाल नुकताच जाहीर करण्यात आला. त्यानंतर नियोजित वेळापत्रकानुसार दरवर्षीप्रमाणे रविवार २८ मे ला पूर्व परीक्षा घेण्यात आली. दोन सत्रांत ही परीक्षा झाली. पहिल्या सत्रात सामान्य अध्ययनावर आधारित परीक्षा झाली, तर दुसऱ्या सत्रामध्ये सी-सॅटचा पेपर घेण्यात आला. या दोन्ही सत्रांतील परीक्षेचा निकाल जाहीर करण्यात आला आहे.

मुख्य परीक्षा सप्टेंबरमध्ये

यूपीएससी नागरी सेवा मुख्य परीक्षा २०२३ आता १५ सप्टेंबर २०२३ रोजी आयोजित केली जाईल. पूर्व परीक्षेत पात्र ठरलेले उमेदवार या परीक्षेला बसतील.

किरकोळ महागाईदराचा दोन वर्षांतील नीचांक, मे महिन्यात ४.२५ टक्क्यांवर

भाजीपाला, तृणधान्य किमती घसरल्यामुळे सरलेल्या मे महिन्यात किरकोळ महागाई दर २५ महिन्यांच्या नीचांकी ४.२५ टक्क्यांवर नोंदवला गेला. महागाई दरात घसरणीचा हा क्रम सलग चौथ्या महिन्यात कायम असून, रिझर्व्ह बँकेसाठी सहनशील मर्यादा पातळी अर्थात सहा टक्क्यांखाली तो नोंदवला जाण्याचा हा सलग तिसरा महिना आहे.
ग्राहक किंमत निर्देशांकांवर आधारित महागाई दर आधीच्या एप्रिल महिन्यात ४.७ टक्के पातळीवर होता, तर गेल्या वर्षी म्हणजे मे २०२२ मध्ये तो ७.०४ टक्के अशा चिंताजनक पातळीवर होता. एप्रिल २०२१ मध्ये नोंदवल्या गेलेल्या ४.२३ टक्क्यांच्या महागाई दरानंतर नोंदवला गेलेला सर्वात कमी दर आहे. यापूर्वी सप्टेंबर २०१९ मध्ये महागाई दर ४ टक्क्यांच्या पातळीखाली नोंदवला गेला होता.
अन्नधान्य घटकाच्या किमती घट झाल्याचा परिणाम मे महिन्याच्या एकंदर महागाई दरातील घसरणीत दिसून आला. एप्रिलमध्ये ३.८४ टक्के नोंदवलेली अन्नधान्यांच्या किमतीतील वाढ ही मे महिन्यात २.९१ टक्क्यांवर घसरली. ग्राहक किंमत निर्देशांकांत जवळपास निम्मा वाटा हा अन्नधान्य घटकाचा आहे. बरोबरीने इंधन आणि विजेच्या महागाईचा दरही एप्रिलमधील ५.५२ टक्क्यांवरून मागील महिन्यात ४.६४ टक्क्यांवर आला.

व्याजदर कपात शक्य?

गेल्या आठवडय़ात रिझर्व्ह बँकेने पतधोरण जाहीर करताना रेपो दर ६.५ टक्क्यांच्या पातळीवर कायम ठेवून चलनवाढीतील ताज्या उताराच्या शाश्वततेबद्दल साशंकता व्यक्त केली. ’महागाईवर ‘अर्जुनासारखा नेम’ रोखून धरणे गरजेचे असल्याचे गव्हर्नर शक्तिकांत दास यांनी म्हटले होते.
’चालू आर्थिक वर्षांसाठी किरकोळ चलनवाढीचा दर सरासरी ५.१ टक्के आणि एप्रिल ते जून तिमाहीत तो ४.६ टक्क्यांवर राहण्याचे मध्यवर्ती बँकेचे अनुमान आहे. प्रत्यक्षात मे महिन्याची आकडेवारी ही या अंदाजाहून अधिक घसरण दर्शविणारी आहे.’एल-निनोच्या परिणामाच्या शक्यता असतानाही यंदा पाऊसपाणी सामान्य राहिल्यास, महागाई दराच्या घसरणीचा क्रम टिकून राहील आणि नजीकच्या काळात व्याजदर कपातही दिसून येईल, असे अर्थतज्ज्ञांचे म्हणणे आहे.

जोकोव्हिच ‘एटीपी’ क्रमवारीत पुन्हा अग्रस्थानी, श्वीऑनटेकचे ‘डब्ल्यूटीए’ क्रमवारीतील अव्वल स्थान कायम

फ्रेंच खुल्या टेनिस स्पर्धेतील पुरुष एकेरीच्या विजेतेपदासह विक्रमी २३वा ग्रँडस्लॅम जिंकणारा नोव्हाक जोकोव्हिच ‘एटीपी’ क्रमवारीत स्पेनच्या कार्लोस अल्कराझला मागे टाकत पुन्हा एकदा अग्रस्थानी पोहोचला आहे. ५० वर्षांहून अधिक काळापूर्वी सुरू झालेल्या संगणकीकृत क्रमवारीत सर्वाधिक काळ शीर्षस्थानी राहणारा पुरुष किंवा महिला खेळाडूचा विक्रम आपल्या नावे करणारा जोकोव्हिच आपल्या विक्रमात आणखी सुधार करेल.जोकोव्हिच फ्रेंच खुल्या टेनिस स्पर्धेत तिसऱ्या क्रमांकाचा खेळाडू म्हणून सहभागी झाला होता.
मात्र, अंतिम सामन्यात कॅस्पर रूडला ७-६ (७-१), ६-३, ७-५ असे पराभूत करण्यात जोकोव्हिचला यश मिळाले. सध्या ‘एटीपी’ क्रमवारीत अल्कराझ दुसऱ्या आणि डॅनिल मेदवेदेव तिसऱ्या स्थानी आहे. तर रूडने आपले चौथे स्थान कायम ठेवले आहे.
दुखापतींचा सामना करत असलेला स्पेनचा राफेल नदाल शीर्ष १०० खेळाडूंच्याही बाहेर फेकला गेला आहे. तो सध्या १३६व्या स्थानावर आहे.महिला एकेरीचे जेतेपद पटकावणारी पोलंडची इगा श्वीऑनटेक ‘डब्ल्यूटीए’ क्रमवारीत अग्रस्थानी कायम आहे.

चालू घडामोडी प्रश्नमंजुषा

दिनविशेष

१३ जून चे दिनविशेष पाहण्यासाठी (येथे क्लिक करा)

अधिक घडामोडी:

Latest Maharashtra Govt. Jobs	Majhi Naukri 2022
Home Page	MPSC Today
Daily Current Affairs in Marathi	Chalu Ghadamodi