२१ जून चालू घडामोडी

Daily Current Affairs in Marathi (चालू घडामोडी) |21 June 2023

Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam

RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात. बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.

दिग्गज बुद्धिबळपटूंची मैफल आजपासून

आज संध्याकाळी एका मोठय़ा बुद्धिबळ करमणूक जत्रेची सुरुवात होत आहे आणि ती पण स्वप्न नगरी दुबईमध्ये! येथे जगातले आघाडीचे खेळाडू एकमेकांवर तुटून पडतील आणि ते पण आपापल्या संघांसाठी! या स्पर्धेसाठी सहा संघ निवडण्यात आले आहेत. हे सर्व संघ एकमेकांशी २-२ वेळा लढतील आणि सर्वात शेवटी जे संघ पहिले दोन क्रमांक मिळवतील, त्यांना अंतिम सामना खेळण्यासाठी पाचारण केले जाईल. हे सर्व सामने आणि २ जुलै रोजी होणारा अंतिम सामना दुबई बुद्धिबळ केंद्राच्या इमारतीत होणार आहेत.
ग्लोबल बुद्धिबळ लीग या नावाने ही स्पर्धा खेळवली जाईल आणि यामध्ये पैसे लावणारे सगळे उद्योग हे भारतीय आहेत. टेक मिहद्रा या कंपनीने पुढाकार घेऊन ही जत्रा आरंभली आहे आणि एवढय़ा मोठय़ा प्रमाणावर अशा प्रकारच्या स्पर्धेचे आयोजन जगात पहिल्यांदाच होत आहे. यात भाग घेणाऱ्या प्रत्येक खेळाडूला किती पैसे देण्यात आले आहेत ही गोष्ट उघड करण्यात आलेली नाही, पण लाखो रुपये घेतल्याशिवाय मॅग्नस कार्लसनसारखा खेळाडू यात सहभागी होणार नाही.
जगज्जेत्याच्या या जत्रेची सुरुवात अर्थातच सध्याचा जगज्जेता डिंग लिरेन याच्या संघाकडून होणार आहे आणि ते योग्यच आहे, कारण या जगज्जेत्याच्या मांदियाळीत डिंग हा सध्याचा मानकरी आहे. त्याचा त्रिवेणी कॉन्टिनेंटल किंग्स हा संघ फ्रान्सच्या मॅक्सिम वाचियेंर लाग्रेव्ह या विद्युतगती बुद्धिबळाच्या तज्ज्ञाच्या अपग्रॅड मुम्बा मास्टर्स या संघाशी खेळेल.
डिंगच्या संघात त्याचे २ देशबांधव वाई यी आणि यू यांग यी आहेत पण, एकही भारतीय नाही. तर, त्याच्या विरुद्ध खेळणाऱ्या अपग्रॅड मुम्बा मास्टर्स संघात मात्र विदित गुजराथी, कोनेरू हंपी आणि द्रोणावली हरिका असे तीन भारतीय खेळाडू आहेत. रशियन सुपर ग्रँडमास्टर पीटर स्विडलरला नुकतेच नागपूर येथे पराभूत केल्यामुळे विदित चांगलाच लयीत आहे.

मोदींच्या अमेरिका भेटीवर ‘या विषयांवर होणार चर्चा, परराष्ट्र सचिवांनी दिली माहिती

भारताचे पंतप्रधान नरेंद्र मोदी तीन दिवसीय अमेरिका दौऱ्यावर गेले आहेत. काल (२० जून) ते अमेरिकेसाठी रवाना झाले. या भेटीत ते अमेरिकेचे राष्ट्राध्यक्ष जो बिडेन यांच्यासोबत किमान तीन बैठका घेणार आहेत. यामध्ये एक खासगी बैठक तर, एक डिनर असणार आहे. पंतप्रधान नरेंद्र मोदी अमेरिकेचे उपराष्ट्रपती कमला हॅरिस आणि परराष्ट्र सचिव अँटनी ब्लिंकन यांनी संयुक्तपणे आयोजित केलेल्या स्नेहभोजनालाही जाणार आहेत. तसंच, युएस काँग्रेसच्या नेत्यांकडूनही मोदींचं स्वागत केलं जाणार आहे.
परराष्ट्र सचिव विनय क्वात्रा यांनी पंतप्रधानांच्या आगामी राज्य दौऱ्याची माहिती देताना सांगितले की, “आमच्या नात्यातील हा एक मैलाचा दगड आहे. ही एक अतिशय महत्त्वाची भेट आहे. २०१४ पासून मोदींनी सहा वेळा अमेरिकेला भेट दिली आहे. या भेटीदरम्यान, सह-उत्पादन, सह-विकास आणि पुरवठा बदल राखण्यासाठी संरक्षण उद्योगांमध्ये जवळून भागीदारी करण्यासाठी दोन्ही बाजू एक रोडमॅपवर काम करत आहेत.
दोन्ही देशांमध्ये व्यापार आणि गुंतवणूक संबंध मजबूत करण्यावर लक्ष केंद्रित करण्यात येणार आहे. मोदींच्या या भेटीमुळे दूरसंचार, अंतराळ आणि उत्पादन क्षेत्रातील तंत्रज्ञान क्षेत्रात सखोल संबंध निर्माण होणार आहेत. परराष्ट्र सचिव क्वात्रा म्हणाले की, संरक्षण औद्योगिक सहकार्य रोडमॅप हा पंतप्रधान मोदींच्या यूएस दौऱ्याचा एक महत्त्वाचा परिणाम असेल अशी अपेक्षा आहे. भारत आणि अमेरिकेतील संबंधांचा मुख्य स्तंभ म्हणजे संरक्षण सहकार्य आहे, असंही क्वात्रा म्हणाले.
पंतप्रधान नरेंद्र मोदी वॉशिंग्टन डीसीला जातील. तिथे ते राष्ट्राध्यक्ष बिडेन आणि फर्स्ट लेडी जिल बिडेन यांना भेटणार आहेत. २२ जून रोजी मोदींचे व्हाईट हाऊसमध्ये औपचारिक स्वागत केले जाईल, त्यानंतर बिडेन यांच्यासोबत औपचारिक द्विपक्षीय बैठक होईल.राष्ट्राध्यक्ष बिडेन आणि फर्स्ट लेडी जिल बिडेन गुरुवारी संध्याकाळी मोदींच्या सन्मानार्थ स्नेहभोजनाचेही आयोजन केले आहे.

भारताला जागतिक भूमिका हवी! अमेरिका दौऱ्यापूर्वी पंतप्रधान मोदी यांचे प्रतिपादन

व्यापक, सखोल आणि उच्च दर्जा ही भारताची ओळख असून, जागतिक स्तरावर मोठी भूमिका निभावण्याची आपल्या देशाची क्षमता आहे, असा विश्वास पंतप्रधान नरेंद्र मोदी यांनी मंगळवारी व्यक्त केला. अमेरिकेच्या ऐतिहासिक दौऱ्यावर निघण्यापूर्वी अमेरिकेतील ‘द वॉल स्ट्रीट जर्नल’ या दैनिकाला दिलेल्या मुलाखतीत त्यांनी अमेरिका आणि भारताच्या संबंधांसह अनेक महत्त्वाच्या विषयांवर भाष्य केले.
सार्वभौमत्व आणि प्रादेशिक अखंडतेचा आदर राखणे, कायदेशीर नियम पाळणे आणि मतभेद आणि विवादांच्या शांततापूर्ण निराकरणावर आमचा दृढ विश्वास आहे. भारत आपले सार्वभौमत्व आणि प्रतिष्ठेच्या रक्षणासाठी सदैव सज्ज आणि वचनबद्ध आहे. मात्र, भारत विस्तारवादी नसल्याने कोणत्याही देशावर आक्रमण करत नाही. जगात आपल्याला योग्य स्थान मिळावे यासाठी भारत आग्रही आहे, असे मुद्दे मोदी यांनी मांडले. सध्याच्या भू-राजकीय तणावाच्या काळात बहुराष्ट्रीय कंपन्या उत्पादन आणि जागतिक पुरवठा साखळय़ांत विविधता आणू पाहत आहेत. त्याचा लाभ घेण्यासाठी भारत सज्ज असल्याचे मतही मोदींनी व्यक्त केले.
मोदी म्हणाले की, अमेरिका आणि भारतादरम्यानचे संबंध कधी नव्हे एवढे दृढ झाले आहेत. उभय देशांच्या नेत्यांत अभूतपूर्व विश्वासाचे वातावरण आहे. युक्रेन संघर्षांबाबत आपण तटस्थ नसून, शांततेच्या बाजूने आहोत. सर्व देशांनी आंतरराष्ट्रीय कायद्याचा आणि देशांच्या सार्वभौमत्वाचा आदर केला पाहिजे, असेही पंतप्रधानांनी स्पष्ट केले.

टायटॅनिकच्या अभ्यासासाठी गेलेली पाणबुडी बेपत्ता, अटलांटिक महासागरात शोध सुरू

११२ वर्षांपूर्वी अटलांटिक महासागराच्या तळाशी गडप झालेल्या टायटॅनिक या अजस्र जहाजाच्या अवशेषांच्या अभ्यासमोहिमेवर गेलेली टायटन ही पाणबुडी दोन दिवसांपासून बेपत्ता आहे. ९६ तास पुरेल इतका प्राणवायू साठा घेऊन ही पाणबुडी रविवारी समुद्राच्या तळाशी झेपावली होती. त्यावर स्वार असलेले अब्जाधीश पाकिस्तानी पिता-पुत्र, एक ब्रिटिश उद्योजक-अभ्यासक यांच्यासह पाच जणांचा शोध घेण्यासाठी शर्थीचे प्रयत्न सुरू आहेत.
विसाव्या शतकाच्या सुरुवातीला जलसमाधी मिळालेल्या टायटॅनिक जहाजाचे संशोधकांना कायमच आकर्षण राहिले आहे. अटलांटिक महासागराच्या तळाशी टायटॅनिकचा सांगाडा आणि अन्य अवशेष अद्याप तसेच असून या अवशेषांचा तपशील नोंदवून अभ्यास करण्यासाठी ‘ओशनगेट’ ही कंपनी अभ्यासमोहिमा राबवत आहे. या मोहिमांमध्ये विविध क्षेत्रातील तज्ज्ञांचा समावेश असतोच, पण या मोहिमेत सहभागी होण्यासाठी भरमसाट पैसे देणाऱ्यांनाही यात स्थान मिळते. अशाच सहभागींना घेऊन रविवारी सकाळी सहा वाजता पाणबुडीचा प्रवास सुरू झाला. मात्र, त्यानंतर अवघ्या पावणेदोन तासांत तिच्याशी संपर्क तुटला. तेव्हापासून या पाणबुडीचा कसून शोध घेण्यात येत आहे.
या पाणबुडीवर पायलट, ब्रिटिश साहसी नागरिक, धनाढय़ पाकिस्तानी कुटुंबातील दोन सदस्य आणि अन्य एका प्रवाशाचा समावेश आहे. त्यांच्याकडे स्थानिक वेळेनुसार गुरुवारी सकाळपर्यंत पुरेल इतकाच प्राणवायू साठा आहे, अशी माहिती मोहिमेचे सल्लागार डेव्हिड कॉनकॅनन यांनी दिली. त्या वेळेपूर्वी पाणबुडीचा शोध लावून प्रवाशांची सुटका करण्यासाठी प्रयत्न सुरू आहेत. पाणबुडीच्या शोधासाठी शक्य तितक्या लवकर सहा किमी खोल जाऊ शकणारे दूरनियंत्रित उपकरण मिळवण्याचा प्रयत्न सुरू आहे असे कॉनकॅनन यांनी सांगितले.
हा दुर्गम भाग आहे. त्या दुर्गम भागात शोध घेणे आव्हानात्मक आहे. पण आम्ही त्यांचा शोध घेण्यासाठी आणि त्यातील प्रवाशांची सुटका करण्यासाठी उपलब्ध असलेली सर्व साधने तैनात करत आहोत.
रिअर अ‍ॅडमिरल जॉन मॉगर, अमेरिका तट रक्षक दलटायटॅनिकच्या शोधाचे आकर्षण १९१२मध्ये अटलांटिक महासागरातील हिमनगाला धडकून बुडालेल्या टायटॅनिक जहाजावरील दीड हजाराहून अधिक जणांचा मृत्यू झाला होता. या जहाजाच्या अवशेषांचा शोध पहिल्यांदा १९८५मध्ये लागल्यापासून त्याची पाहणी करण्यासाठी, अभ्यासासाठी अनेक मोहिमा राबवण्यात आल्या आहेत. मात्र, आता जहाजाचा सांगाडाही नष्ट होऊ लागला असून त्याआधी संशोधन पूर्ण करण्यासाठी धडपड सुरू आहे.

एलॉन मस्क ते फालू शाह, पंतप्रधान मोदी अमेरिका दौऱ्यावर ‘या’ २४ सेलिब्रेटींना भेटणार

अमेरिकेच्या संसदेत भाषणाव्यतिरिक्त पंतप्रधान नरेंद्र मोदी तिथे अनेक सेलिब्रेटींना भेटणार आहेत. मोदी यावेळी एकूण २४ व्यक्तिंना भेटणार आहेत. यामध्ये नोबेल पारितोषिक विजेते, अर्थशास्त्रज्ञ, कलाकार, शास्त्रज्ञ, विद्वान, उद्योजक, शिक्षणतज्ज्ञ, आरोग्य क्षेत्रातील तज्ज्ञ आणि इतर सेलिब्रेटींचा समावेश आहे.
नरेंद्र मोदी अमेरिकेत ज्या २४ दिग्गजांना भेटणार आहेत त्यामध्ये टेस्ला आणि स्पेसएक्सचे सहसंस्थापक एलॉन मस्क, खगोलभौतिकशास्त्रज्ञ नील डीग्रेस टायसन, ग्रॅमी पुरस्कार विजेती इंडो-अमेरीकन गायिका फालू (फाल्गुनी शाह), पॉल रोमर, निकोलस नसीम तालेब, रे दालियो, जेफ स्मिथ, मायकेल फ्रोमन डॅनियल रसेल, एल्ब्रिज कोल्बाय, डॉ. पीटर अॅग्रे, डॉ स्टीफन क्लास्को आणि चंद्रिका टंडन.
या दौऱ्याचं आणखी एक खास वैशिष्ट्य म्हणजे आंतरराष्ट्रीय योग दिवसाच्या दिवशीच पंतप्रधान नरेंद्र मोदी हे अमेरिकेत असणार आहेत. पंतप्रधान मोदींनी संयुक्त राष्ट्र संघटनेला विनंती केल्यानंतर २०१५ पासून २१ जून हा आंतरराष्ट्रीय योग दिवस म्हणून साजरा केला जात आहे. या संयुक्त राष्ट्राच्या मुख्यालयात मोदींच्या उपस्थितीत आंतरराष्ट्रीय योग दिवस साजरा केला जाईल.

चालू घडामोडी प्रश्नमंजुषा

दिनविशेष

२१ जून चे दिनविशेष पाहण्यासाठी (येथे क्लिक करा)

अधिक घडामोडी:

Latest Maharashtra Govt. Jobs	Majhi Naukri 2022
Home Page	MPSC Today
Daily Current Affairs in Marathi	Chalu Ghadamodi