१५ जून चालू घडामोडी

Daily Current Affairs in Marathi (चालू घडामोडी) |15 June 2023

Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam

RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात. बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.

भारतास ड्रोनविक्रीसाठी अमेरिकेचे प्रयत्न, मोदी यांच्या आगामी दौऱ्याची पार्श्वभूमी

अमेरिकेकडून शस्त्रसज्ज ड्रोन खरेदी करण्याचा भारताचा प्रस्ताव दीर्घकाळ लाल फितीत अडकला असून हा खरेदी करार मार्गी लावण्यासाठी बायडेन प्रशासनाने भारत सरकारकडे आग्रह धरला आहे. पंतप्रधान नरेंद्र मोदी यांचा आगामी अमेरिका दौरा लक्षात घेता ड्रोन विक्रीसाठी अमेरिकेचे सरकार सक्रिय झाल्याचे या घडामोडींशी संबंधित दोन जणांनी सांगितले.
भारताने दीर्घकाळपासून अमेरिकेकडून मोठे शस्त्रसज्ज ड्रोन विकत घेण्यात स्वारस्य दाखविले आहे, पण नोकरशाहीतील अडथळय़ांमुळे सी गार्डियन ड्रोन खरेदीचा प्रस्ताव अनेक वर्षे रखडला आहे. या ड्रोनची किंमत २०० ते ३०० कोटी डॉलरच्या घरात जाऊ शकते. ही विक्री मार्गी लावण्यासाठी पंतप्रधान नरेंद्र मोदी यांच्या २२ जूनच्या नियोजित व्हाईट हाऊस भेटीची प्रतीक्षा संबंधितांना आहे. मोदी यांच्या दौऱ्याची तारीख निश्चित झाल्यापासूनच अमेरिकेचे परराष्ट्र व्यवहार खाते, पेंटागॉन आणि व्हाईट हाऊस यांनी भारताकडे ड्रोनखरेदी व्यवहाराला गती मिळण्याची अपेक्षा व्यक्त केली आहे.
एमक्यू-९बी सी गार्डियन या शस्त्र वापराची क्षमता असलेल्या तीस ड्रोनच्या खरेदी व्यवहाराला भारताकडून अग्रक्रम मिळावा, असे सांगितले जात आहे. या ड्रोनची निर्मिती जनरल अ‍ॅटोमिक्स या कंपनीने केली आहे. मोदी आणि राष्ट्राध्यक्ष जो बायडेन हे शस्त्रास्त्र आणि लष्करी वाहने यांच्या एकत्रित निर्मितीबाबतही चर्चा करण्याची शक्यता आहे. याबाबत व्हाईट हाऊसच्या प्रवक्त्याने बोलण्यास नकार दिला. सध्या भारत आणि अमेरिका यांची अधिकृत अशी संरक्षणात्मक आघाडी नसली तरी, चीनला शह देण्यासाठी बायडेन यांनी भारताशी संरक्षण सहकार्य वाढविण्यास प्राधान्य दिले आहे.

जर्मनीनंतर आता न्यूझीलंडमध्येही आर्थिक मंदी; नेमकं घडतंय काय?

अवघ्या तीन आठवड्यांपूर्वी युरोपमधली सर्वात मोठी अर्थव्यवस्था म्हणून जगभरात ओळख असणाऱ्या आणि युरोपच्या आर्थिक गणितांमध्ये अग्रस्थान असणाऱ्या जर्मनीमध्ये आर्थिक मंदीला सुरुवात झाली. त्यामुळे जागतिक पटलावर त्याचे तीव्र पडसाद उमटले. तसेच, या वर्षी शेवटच्या सहा महिन्यांमध्ये आर्थिक मंदीचं संकट जगावर घोंघावत असल्याच्या भाकितावर जोरदार चर्चा सुरू झाली. आता जर्मनीप्रमाणेच न्यूझीलंडचीही पहिल्या तिमाहीत आर्थिक मंदीमध्ये घसरण झाल्याचं समोर आलं आहे. त्यामुळे जागतिक स्तरावर अर्थजगतामध्ये चिंता व्यक्त केली जात आहे.

निवडणुकांच्या आधी आर्थिक मंदी, सरकार पेचात!

गुरुवारी न्यूझीलंडच्या अर्थव्यवस्थेसंदर्भातली माहिती जाहीर करण्यात आली. त्यामध्ये देशात पहिल्या तिमाहीत आर्थिक मंदी आल्याचं दिसून आलं. या पार्श्वभूमीवर न्यूझीलंडच्या रिझर्व्ह बँकेला तातडीने व्याजदर वाढवण्यासंदर्भात पावलं उचलण्याची गरज असल्याचं सांगितलं जात आहे. मात्र, दुसरीकडे अवघ्या काही महिन्यांमध्ये न्यूझीलंडमध्ये सार्वत्रिक निवडणुका होत असल्याने, सरकार या निर्णयासाठी कितपत राजी होईल, याविषयी शंका व्यक्त केली जात आहे.

न्यूझीलंडचा GDP घसरला!

न्यूझीलंडच्या अर्थव्यवस्थेचा उलटा प्रवास यासंदर्भातल्या आकड्यांवरून स्पष्ट होत आहे. गेल्या वर्षाच्या अखेरीस न्यूझीलंडच्या जीडीपीमध्ये तब्बल ०.७ टक्क्यांची घट झाल्यातं दिसून आलं. या वर्षाच्या पहिल्या तिमाहीत न्यूझीलंडच्या अर्थव्यवस्थेची घसरण चालूच राहिली. त्यामुळे पहिल्या तिमाहीत न्यूझीलंडचा जीडीपी ०.१ टक्के इतका खाली आला. याआधी न्यूझीलंडमध्ये २०२०मध्ये करोनाच्या काळात आर्थिक मंदी आल्याची नोंद आहे.

“आश्चर्य वाटलं नाही”, न्यूझीलंड सरकारची भूमिका

दरम्यान, एकीकडे न्यूझीलंडमधल्या आर्थिक मंदीमुळे जागतिक स्तरावर चिंता व्यक्त होत असताना न्यूझीलंडच्या अर्थमंत्र्यांनी मात्र यावर आपल्याला आश्चर्य वाटलं नसल्याचं विधान केलं आहे. “आपल्याला माहिती आहे की २०२३ हे वर्ष आव्हानात्मक आहे. जागतिक विकासाचा वेग प्रचंड खालावला आहे. प्रदीर्घ काळासाठी महागाईचा दर उच्च राहिला आहे. हवामानातील बदलांचाही अर्थव्यवस्थेवर परिणाम झाला आहे. त्यामुळे या आर्थिक मंदीचं कोणतंही आश्चर्य वाटलं नाही”, अशी प्रतिक्रिया न्यूझीलंडचे अर्थमंत्री ग्रँट रॉबर्ट्सन यांनी दिली आहे.

आर्थिक मंदी फक्त काही घटकांपुरती मर्यादित?

न्यूझीलंडमधल्या आर्थिक मंदीचा तिथल्या रोजगारावर परिणाम झाला नसल्याचं रॉयटर्सनं दिलेल्या वृत्तात म्हटलं आहे. त्यामुळे सामान्य नागरिकांवर याचा थेट परिणाम झाल्याचं दिसत नाही. मात्र, अवघ्या चार महिन्यांवर येऊन ठेपलेल्या सार्वत्रिक निवडणुकांमुळे देशात आर्थिक मंदी हा निवडणुकीचा मोठा मुद्दा ठरला आहे.

‘एमपीएससी’ची उत्तरतालिका जाहीर; ‘या’ तारखेपर्यंत हरकती नोंदवता येणार

महाराष्ट्र लोकसेवा आयोग म्हणजेच एमपीएससीने महाराष्ट्र राजपत्रित नागरी सेवा संयुक्त पूर्व परीक्षा २०२३ करीता उत्तरतालिकेवर हरकती सादर करण्यास व सहायक आयुक्त, समाज कल्याण, गट-अ करीता अर्ज सादर करण्यास १४ जून २०२३ पर्यंत मुदतवाढ देण्यात येत आहे. त्यामुळे या कालावधीत हरकती नोंदवाव्यात अशा सूचना केल्या आहेत.
एमपीएससीच्या वतीने महाराष्ट्र राजपत्रित नागरी सेवा संयुक्त पूर्व परीक्षा २०२३ व सहायक आयुक्त, समाज कल्याण, गट-अ करीता परीक्षा घेण्यात आली होती. याची उत्तरतालिका आयोगाने जाहीर केली आहे. यावर कुणाला आक्षेप नोंदवायचा असेल तर त्यांना तसा अर्ज करण्यासाठी आज शेवटचा दिवस आहे.

सचिनच्या मुलाला BCCIचे खास आमंत्रण! तीन आठवड्यांच्या स्पेशल ट्रेनिंगनंतर अर्जुन करणार टीम इंडियात प्रवेश?

सचिन तेंडुलकरचा पूत्र अर्जुन याला मुंबई इंडियन्सने पदार्पणाची संधी दिली होती. लवकरच सर्वोच्च स्तरावर खेळण्यासाठी तयार होत असलेल्या अष्टपैलू खेळाडूंच्या यादीत त्याचा समावेश करण्यात आला आहे. भारतीय क्रिकेट नियामक मंडळाने (BCCI) २० आश्वासक अष्टपैलू खेळाडूंना बंगळुरू येथील राष्ट्रीय क्रिकेट अकादमी (NCA) येथे तीन आठवड्यांच्या शिबिरासाठी बोलावले आहे. यामध्ये मास्टर ब्लास्टर सचिन तेंडुलकरचा मुलगा अर्जुन तेंडुलकरचा समावेश आहे, जो गोव्यासाठी प्रथम श्रेणी क्रिकेट खेळला होता, ज्याने इंडियन प्रीमियर लीग २०२३ मध्ये मुंबई इंडियन्स साठी पदार्पण केले होते.
बोर्डाच्या एका वरिष्ठ सूत्राने पीटीआयला सांगितले की, “इमर्जिंग आशिया कप (२३ वर्षांखालील) या वर्षाच्या शेवटी होणार आहे आणि बीसीसीआय तरुण खेळाडूंचा शोध घेत आहे. अष्टपैलू खेळाडूंचे शिबिर NCA चे क्रिकेट प्रमुख व्हीव्हीएस लक्ष्मण यांनी सुचवले होते, जेणेकरून आम्हाला सर्व प्रकारातील अष्टपैलू क्रिकेटपटू शोधता येतील.

चेतन साकारिया आणि अभिषेक शर्मा या खेळाडूंचा देखील समावेश

पीटीआयच्या म्हणण्यानुसार, शिव सुंदर दास यांच्या अध्यक्षतेखालील वरिष्ठ राष्ट्रीय निवड समितीने कामगिरी आणि क्षमतेच्या आधारे खेळाडूंची निवड केली. सूत्राने सांगितले की, “शिबिरात सहभागी प्रत्येक खेळाडू पूर्ण अष्टपैलू नाही. काही गोलंदाजी अष्टपैलू असतात तर काही फलंदाजी अष्टपैलू असतात. त्यांचा उद्देश त्यांच्यातील प्रतिभा वाढवणे आणि त्यांना टीम इंडियात खेळण्यासाठी तयार करणे हा आहे.” यामध्ये चेतन साकारिया, अभिषेक शर्मा, मोहित रेडकर, मानव सुतार, हर्षित राणा, दिविज मेहरा या खेळाडूंचा समावेश आहे.

अर्जुन तेंडुलकरच्या निवडीवर प्रश्नचिन्ह उपस्थित केले

अर्जुन तेंडुलकरने तीन आयपीएल सामने खेळले असले तरी तो फारसा प्रभाव पाडू शकला नाही. त्याच्या निवडीमागील कारणाबद्दल विचारले असता, बीसीसीआयच्या एका सूत्राने सांगितले की, “अर्जुनने यापूर्वीच रणजी ट्रॉफीमध्ये शतक झळकावले आहे. डाव्या हाताने वेगवान गोलंदाजी आणि फलंदाजी करणाऱ्या खेळाडूचा निवड समिती शोध घेत आहे. अर्जुन १३० ते १३५ किमी प्रतितास वेगाने गोलंदाजी करतो आणि चांगली सहाव्या क्रमांकावर चांगली फलंदाजीही करतो. त्याच्याकडे वैविध्य आहे, पण देशांतर्गत क्रिकेटमधील कामगिरी लक्षात घेऊन त्याच्या निवडीवर प्रश्नचिन्ह उपस्थित करता येईल?”

चालू घडामोडी प्रश्नमंजुषा

दिनविशेष

१५ जून चे दिनविशेष पाहण्यासाठी (येथे क्लिक करा)

अधिक घडामोडी:

Latest Maharashtra Govt. Jobs	Majhi Naukri 2022
Home Page	MPSC Today
Daily Current Affairs in Marathi	Chalu Ghadamodi