९ जून चालू घडामोडी

Daily Current Affairs in Marathi (चालू घडामोडी) |9 June 2023

Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam

RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात. बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.

डब्ल्यूटीसी फायनलमध्ये अजिंक्य रहाणेने नोंदवला विक्रम, ‘हा’ कारनामा करणारा ठरला सातवा भारतीय

भारत आणि ऑस्ट्रेलिया यांच्यातील जागतिक कसोटी चॅम्पियनशिपचा अंतिम सामना लंडनमध्ये खेळवला जात आहे. या सामन्यात टीम इंडियाचा खेळाडू अजिंक्य रहाणेने एक खास कामगिरी केली. त्याने कसोटी कारकिर्दीतील १०० झेल घेण्याचा पराक्रम केला आहे. रहाणे कसोटी फॉरमॅटमध्ये भारताकडून सर्वाधिक झेल घेण्याच्या बाबतीत ७ व्या क्रमांकावर आहे. टीम इंडियाने सामन्याच्या दुसऱ्या दिवसाचा खेळ संपेपर्यंत ५ विकेट गमावून १५१ धावा केल्या आहेत.
सामन्याच्या दुसऱ्या दिवशी ऑलआऊट होईपर्यंत ऑस्ट्रेलियाने ४६९ धावा केल्या होत्या. तत्पूर्वी, पॅट कमिन्स आणि बोलंड यांच्या रूपाने संघाची शेवटची जोडी मैदानात होती. सिराजच्या चेंडूवर कमिन्सने फटका खेळला, चेंडू रहाणेकडे पोहोचला. त्याने कोणतीही चूक न करता हा झेल घेतला. अशात कमिन्स बाद झाला. तो बाद होताच रहाणेने झेलचे शतक पूर्ण केले. त्याने आतापर्यंत खेळलेल्या १५८ कसोटी डावांमध्ये १०० झेल घेतले आहेत. यादरम्यान एका डावात सर्वाधिक ५ झेल घेतले आहेत.

सर्वाधिक झेल घेण्याच्या बाबतीत अजिंक्य ७ व्या क्रमांकावर –

भारताकडून कसोटीत सर्वाधिक झेल घेण्याचा विक्रम राहुल द्रविडच्या नावावर आहे. त्याने १६३ सामन्यात २०९ झेल घेतले आहेत. व्हीव्हीएस लक्ष्मण दुसऱ्या क्रमांकावर आहे. त्याने १३४ सामन्यात १३५ झेल घेतले आहेत. सचिन तेंडुलकर तिसऱ्या क्रमांकावर आहे. त्याने २०० सामन्यांमध्ये ११५ झेल घेतले आहेत. विराट कोहली १०९ झेलांसह चौथ्या क्रमांकावर आहे. रहाणे कसोटी फॉरमॅटमध्ये भारताकडून सर्वाधिक झेल घेण्याच्या बाबतीत ७ व्या क्रमांकावर आहे
उल्लेखनीय म्हणजे, ऑस्ट्रेलियाने आतापर्यंत जागतिक कसोटी चॅम्पियनशिप फायनलमध्ये चांगली कामगिरी केली आहे. संघाने पहिल्या डावात सर्वबाद ४६९ धावा केल्या आहेत. दुसरीकडे, भारतीय संघाने १५१ धावसंख्येवर ५ विकेट गमावल्या आहेत. भारताकडून अजिंक्य रहाणे २९ धावा करून नाबाद आहे. श्रीकर भरतने ५ धावा केल्या आहेत.

मोसमी वारे केरळमध्ये दाखल, हवामान विभागाकडून आनंदाची बातमी

मोसमी वारे अखेर केरळमध्ये दाखल झाले. हवामान विभागाने आनंदाची ही माहिती दिली आहे. मोसमी वाऱ्यांच्या वाटचालीस केरळमध्ये पोषक हवामान असल्याचे हवामान विभागाने काल, बुधवारी जाहीर केले होते. हवामान विभागाचे शास्त्रज्ञ डॉ. अनुपम कश्यपी यांनी दिलेल्या माहितीनुसार मोसमी वारे आज, गुरुवारी केरळमध्ये दाखल झाले आहे.
अरबी समुद्र, बंगालाच्या उपसागरातही मोसमी वाऱ्याने आगेकूच केली आहे. केरळच्या बहुतेक भागासग तमिळनाडूमध्येही मोसमी वारे धडकले आहे. मोसमी वारे केरळमध्ये चार जून रोजी दाखल होण्याचा हवामान विभागाचा अंदाज होता. पण, अरबी समुद्रात दाखल झालेल्या मोसमी वाऱ्याच्या प्रगतीसाठी पोषक वातावरण नव्हते. शिवाय बिपरजॉय चक्रीवादळामुळेही मोसमी वाऱ्यांची प्रगती संथ गतीने सुरू होती.

मिझोराममध्येही आनंद सरी

मोसमी वारे केरळ आणि तमिळनाडूत दाखल होत असतानाच मोसमी वाऱ्याच्या बंगालच्या उपसागरातील शाखेने ईशान्यत धडक दिली आहे. मिझोराममध्येही आनंद सरींचा शिडकाव सुरू झाला आहे.

दोन दिवसांत बंगाल, कर्नाटकमध्येही

मोसमी वाऱ्यांच्या वाटचालीस पोषक हवामान असल्यामुळे पुढील ४८ तासांत मोसमी वारे लवकरच पूर्ण तमिळनाडू व्यापून कर्नाटक, पश्चिम बंगाल आणि ईशान्येकडील राज्यांत पोहचेल, असेही हवामान विभागाने म्हटले आहे.

भारतीयांची व्हिसा प्रतीक्षा कमी करावी; अमेरिकी सिनेटरची राष्ट्राध्यक्षांना विनंती

भारतीय नागरिकांना अमेरिकेचा व्हिसा मिळण्यासाठी जास्त काळ प्रतीक्षा करावी लागते. ही समस्या दूर करण्यासाठी अध्यक्ष जो बायडेन यांनी प्राधान्याने लक्ष घालावे, अशी आग्रही विनंती सिनेटर बॉब मेनेंडेझ आणि काँग्रेसमन मायकेल वॉल्ट्झ यांनी केली आहे.
अमेरिकेच्या व्हिसासाठी पहिल्यांदा मुलाखतीची वेळ मिळण्यास भारतीय नागरिकांना सध्या सरासरी ४५० ते ६०० दिवस प्रतीक्षा करावी लागते. भारत हा अमेरिकेचा महत्त्वाचा भागीदार असून लोकांच्या एकमेकांशी प्रत्यक्ष संपर्काने त्यामध्ये महत्त्वाची भूमिका बजावली जाते, याकडे मेनेंडेझ आणि वॉल्ट्झ यांनी बायडेन प्रशासनाचे लक्ष वेधले. मेनेंडेझ हे सिनेटच्या परराष्ट्र धोरण समितीचे अध्यक्ष आहेत, तर वॉल्ट्झ हे अमेरिकेचे कायदेमंडळ असलेल्या काँग्रेसच्या भारतविषयक धोरणांकडे लक्ष देणाऱ्या हाऊस इंडिया कॉकसचे सह-अध्यक्ष आहेत. या दोघांनी काँग्रेसच्या दोन स्वतंत्र चर्चादरम्यान भारतीयांना अमेरिकेचा व्हिसा मिळण्यासाठी ६०० दिवसांपर्यंत प्रतीक्षा का करावी लागते, असा प्रश्न उपस्थित केला.
२१ व्या शतकातील अमेरिकेचे भारताशी असलेले आर्थिक, धोरणात्मक, सुरक्षाविषयक संबंध अतिशय महत्त्वाचे आहेत असे मेनेंडेझ म्हणाले. तर भारताचे पंतप्रधान नरेंद्र मोदी अमेरिकेच्या दौऱ्यावर येत असताना आपण ही समस्या सोडवण्यासाठी काय करणार आहोत, असा प्रश्न वॉल्ट्झ यांनी विचारला.
ही समस्या सोडवण्यासाठी परराष्ट्र विभाग परिश्रम घेत असून त्यासाठी अनेक उपाय करण्यात आल्याचे परराष्ट्र साहाय्यकमंत्री रेना बिटर यांनी मेनेंडेझ आणि वॉल्ट्झ यांना सांगितले.
भारतामधून व्हिसासाठी नेहमीच जास्त मागणी राहिली आहे. आम्ही या वर्षी १० लाख भारतीयांना व्हिसा देणार आहोत. यासाठी आम्ही अत्यंत कार्यक्षमतेने पावले टाकत आहोत.

देशात सर्वाधिक विकल्या जाणाऱ्या टॉप १० गाड्यांमध्ये एकट्या मारुतीच्या ‘या’ सात कार्स

देशामध्ये सध्या अनेक वाहन उत्पादक कंपन्या आहेत. त्यामध्ये मारूती सुझुकी, ह्युंदाई , टाटा मोटर्स, किया एमजी मोटर्स आणि अन्य अशा कंपन्यांचा यामध्ये समावेश आहे. या सर्वच कंपन्यांनी मे महिन्यातील आपल्या युनिट्सच्या विक्रीची आकडेवारी जाहीर केली आहे. सर्व कंपन्यांनी मिळून पॅसेंजर व्हेईकल सेगमेंटमध्ये मे २०२३ या महिन्यामध्ये एकूण ३,३४,८०० युनिट्सची विक्री केली आहे. यामध्ये मारूती सुझुकीने चांगले प्रदर्शन केले आहे. मे महिन्यात सर्वाधिक विक्री झालेल्या १० कार्समध्ये मारूतीच्या ७ गाड्यांचा समावेश होता. ह्युंदाई मोटर्सची एक तर टाटा मोटर्सच्या २ गाड्यांचा समावेश आहे.
मे महिन्यात सर्वाधिक विक्री झालेल्या १० गाड्यनामध्ये मारुतीच्या बलेनो, स्विफ्ट, वॅग्नर, ब्रिझा, इको आणि डिझायर व अर्टिगा या गाड्यांचा समावेश आहे. तर ह्युंदाईच्या क्रेटा आणि टाटा मोटर्सच्या Nexon आणि पंच या गाड्यांचा समावेश आहे. या सर्व गाड्यांची मे महिन्यामध्ये चांगले प्रदर्शन केले आहे. या बाबतचे वृत्त इंडिया टुडेने दिले आहे.

मे महिन्यात सर्वाधिक विक्री होणाऱ्या १० कार्स

मारूती सुझुकी Baleno – १८,७०० युनिट्स
मारूती सुझुकी Swift – १७,३०० युनिट्स
मारूती सुझुकी WagonR – १६,३०० युनिट्स
ह्युंदाई मोटर्स Creta -१४,४४९ युनिट्स
टाटा मोटर्स Nexon – १४,४२३ युनिट्स
मारूती सुझुकी Brezza – १३,३९८ युनिट्स
मारूती सुझुकी Eeco – १२, ८०० युनिट्स
मारूती सुझुकी Dzire – ११,३०० युनिट्स

ChatGpt चे निर्माते सॅम ऑल्टमन घेणार पंतप्रधान नरेंद्र मोदींची भेट; जाणून घ्या सविस्तर

OpenAI ने गेल्या वर्षी नोहेंबर २०२२ मध्ये ChatGpt लॉन्च केले होते. ओपनएआयचे सीईओ सॅम ऑल्टमन हे दोन दिवसांच्या भारत दौऱ्यावर आहेत. सॅम ऑल्टमन आपल्या भारत दौऱ्यातील दुसऱ्या दिवशी पंतप्रधान नरेंद्र मोदी यांची भेट घेणार आहेत. गेल्या वर्षी नोव्हेंबरमध्ये जेव्हा कंपनीने ChatGPT सार्वजनिक करण्याचा निर्णय घेतला तेव्हा सुरू झालेल्या AI क्रांतीचे नेतृत्व हे ऑल्टमन यांच्याकडे होते. तसेच ते आयआयटी दिल्ली येथे भेट देणार आहेत.
जगभरातील AI रेग्युलेशनमध्ये भारताची भूमिका मोठी आणि महत्वाची आहे असे ऑल्टमन म्हणाले आहेत. ऑल्टमन पुढे म्हणाले, ” जी २० परिषद लवकरच होणार आहे. यामध्ये या प्रकारच्या संभाषणामध्ये भारत मोठी भूमिका बजावू शकतो. ” भारताच्या स्टॅकबद्दल ऑल्टमन यांना त्यांचे मत विचारले असता, ते म्हणाले भारताने दिलेल्या योगदानामुळे मी प्रभावित झालो आहे. तसेच भारत सरकार AI चा वापर इतर सेवांसह एकत्रित करून देखील करू शकतो असे त्यांनी स्पष्ट केले. याबाबतचे वृत्त बिझनेस टुडेने दिले आहे.
सॅम ऑल्टमन म्हणाले, ”राष्ट्रीय टेक्नॉलॉजी, राष्ट्रीय मालमत्ता याबाबतीत भारताने जे काही केले आहे ते खूप प्रभावी आहे. मात्र ही टेक्नॉलॉजी इतर सेवांमध्ये कसे एकत्रित करून वापरता येईल यावर सरकारने भर दिला पाहिजे. आम्ही सर्व सरकारी सेवांना अधिक चांगले करण्यासाठी Language-Learning मॉडेल (LLMs ) चा वापर करण्यास सुरूवात करू. ”
न्यूक्लिअर फ्युजन टेक्नॉलॉजीबद्दल आपण उत्सुक असल्याचा खुलासा सॅम ऑल्टमन यांनी केला. ओपनएआयचे सीईओ ऑल्टमन यांनी Helion Energy मध्ये मोठ्या प्रमाणात गुंतवणूक केली आहे. जगातील पहिलाफ्युजन प्लांट तयार करण्याची कंपनीची योजना आहे जी अमर्यादित स्वछ ऊर्जा तयार करण्यासाठी सक्षम असेल.

चालू घडामोडी प्रश्नमंजुषा

दिनविशेष

९ जून चे दिनविशेष पाहण्यासाठी (येथे क्लिक करा)

अधिक घडामोडी:

Latest Maharashtra Govt. Jobs	Majhi Naukri 2022
Home Page	MPSC Today
Daily Current Affairs in Marathi	Chalu Ghadamodi