२१ एप्रिल चालू घडामोडी – Daily Current Affairs for MPSC Exams
२१ एप्रिल चालू घडामोडी – Daily Current Affairs for MPSC Exams

Daily Current Affairs in Marathi (चालू घडामोडी) |21 April 2023

Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam

RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात.  बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.

२१ एप्रिल चालू घडामोडी

एमबीए, एमएमएस सीईटी आता 6 मे रोजी; पुनर्परीक्षेसाठी 13 हजार 271 विद्यार्थ्यांची नोंदणी

  • व्यवस्थापनशास्त्र पदव्युत्तर पदवी (एमबीए, एमएमएस) अभ्यासक्रमाच्या पुनर्परीक्षेसाठी १३ हजार २७१ विद्यार्थ्यांनी नोंदणी केली आहे. ३० एप्रिलला महाराष्ट्र लोकसेवा आयोगातर्फे गट ब आणि गट क सेवा संयुक्त पूर्व परीक्षा २०२३ घेतली जाणार असल्याने एमबीए, एमएमएस सीईटी आता ३० एप्रिलऐवजी ६ मे रोजी घेतली जाणार आहे.
  • एमबीए, एमएमएस या व्यावसायिक अभ्यासक्रमाच्या प्रवेशासाठीची सामायिक प्रवेश परीक्षा (सीईटी) २५ आणि २६ मार्च रोजी राज्य सीईटी सेलमार्फत राज्यभरात ऑनलाइन पद्धतीने राज्यातील १९१ केंद्रांवर घेण्यात आली. मात्र तांत्रिक कारणामुळे काही विद्यार्थ्यांना ही परीक्षा देता आली नाही. काही ठिकाणी सर्व्हर डाऊन झाल्याने यंत्रणाच बंद पडली होती. तर काही ठिकाणी सर्व्हरला अडचणी आल्याने विद्यार्थ्यांना सीईटी देता आली नाही. त्यामुळे पुन्हा परीक्षा घेण्याची मागणी जोर धरू लागली.
  • विद्यार्थ्यांच्या तक्रारींची दखल घेऊन राज्य सीईटी सेलने चौकशी समिती स्थापन केली. चौकशी समितीच्या अहवालानुसार तांत्रिक अडचणींमुळे सीईटी देता न आलेल्या विद्यार्थ्यांना परीक्षेची संधी देण्यासाठी पुनर्परीक्षेची घोषणा करण्यात आली. संबंधित विद्यार्थ्यांना पुनर्परीक्षेचा अर्ज भरण्यासाठी ११ एप्रिलची मुदत देण्यात आली. त्यानुसार १३ हजार २७१ विद्यार्थ्यांनी नोंदणी केली.
  • एमबीए, एमएमएस सीईटी ३० एप्रिलला घेण्यात येणार होती. मात्र ३० एप्रिलला महाराष्ट्र लोकसेवा आयोगातर्फे गट ब आणि गट क सेवा संयुक्त पूर्व परीक्षा २०२३ घेतली जाणार असल्याने एमबीए, एमएमएस सीईटी आता ३० एप्रिलऐवजी ६ मे रोजी सकाळी नऊ ते साडेअकरा या वेळेत घेतली जाणार असल्याची माहिती सीईटी सेलने परिपत्रकाद्वारे दिली आहे.

महाराष्ट्र भूषण सोहळ्यातील वस्तुस्थिती तपासण्यासाठी सरकारने घेतला ‘हा’ मोठा निर्णय

  • डॉ. आप्पासाहेब धर्माधिकारी यांना रविवारी ( १६ एप्रिल ) ‘महाराष्ट्र भूषण’ पुरस्काराने सन्मानित करण्यात आलं. गृहमंत्री अमित शाह यांच्या हस्ते आप्पासाहेब धर्माधिकारींना ‘महाराष्ट्र भूषण’ पुरस्कार प्रदान करण्यात आला. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह सरकारमधील मंत्री उपस्थित होते. पण, या कार्यक्रमाला गालबोट लागलं.
  • खारघर येथील मैदानावर झालेल्या ‘महाराष्ट्र भूषण’ कार्यक्रमाला धर्मधिकारी यांचे लाखो अनुयायी दाखल झाले होते. दुपारी ठेवण्यात आलेल्या कार्यक्रमावेळी तापमान ४२ अंश सेल्सियस होते. त्यामुळे अनेकांना उष्माघाताचा त्रास जाणवला. त्यांना तातडीने रुग्णालयात दाखल करण्यात आलं होतं. परंतु, या घटनेत १४ जणांचा मृत्यू झाला. तर अनेकांवर रुग्णालयात उपचार सुरु होते.
  • पण, उष्माघात आणि चेंगराचेंगरीमुळे अनेकांचा मृत्यू झाल्याचा दावा विरोधी पक्षाने केला होता. त्यापार्श्वभूमीवर आता राज्य सरकारने मोठा निर्णय घेतला आहे. या घटनेच्या संदर्भातील वस्तुस्थिती तपासण्यासाठी एकसदस्यीय समिती राज्य सरकारने नियुक्त केली आहे.
  • महसूल विभागाचे अतिरिक्त मुख्य सचिव यांच्या मार्गदर्शनाखाली ही समिती असेल. एक महिन्याच्या आत ही समिती आपला अहवाल सादर करेल. तसेच, भविष्यात अशा प्रकारच्या समारंभाच्या आयोजनाबद्दल कोणत्या गोष्टींची काळजी घेण्याची गरज आहे, याबाबतही ही समिती सरकारला शिफारस करणार आहे.

ट्विटरने मुख्यमंत्री योगी आदित्यनाथ, सचिन तेंडुलकर यांच्यासह ‘या’ मोठ्या कलाकारांचे ‘Blue Tick’ हटवले

  • मायक्रोब्लॉगिंग साईट असणाऱ्या Twitter ने सर्व वापरकर्ते आणि संस्थांच्या अकाऊंटवरून लीगसी व्हेइरिफिकेशन Blue Tick हटवली आहे. आता फक्त ‘ट्विटर ब्लू’ साठी पेड सब्स्क्रिप्शन घेणाऱ्याच वापरकर्त्यांना त्यांच्या प्रोफाईलवर व्हेरिफिकेशन ‘ब्लू टिक’ मार्क यापुढे दिसणार आहे. मात्र हे पाऊल ट्विटरने अचानकपणे घेतलेले नाही. या आधी याबद्दल ट्विटरकडून वापरकर्त्यांना सूचना देण्यात येत होत्या. ज्यांनी सबस्क्रिप्शन घेतले नसेल त्यांच्या प्रोफाईलवर ब्लू टीक दिसणार नाही.
  • ट्विटरचे सीईओ एलॉन मस्क यांनी ब्लू टिक हटवण्यासंदर्भात अंतिम तारीख देखील काही दिवसांपूर्वी ट्विट करत सांगितली होती. २० एप्रिल पासून म्हणजेच आजपासून ब्लू टिक हटवली जाणार आहे. त्याप्रमाणे ट्विटरने आजपासून ब्लू टिक हटवली आहे. ट्विटरने हटवलेल्या ब्लू टिक मध्ये अनेक मोठे राजकारणी आणि बॉलिवूड कलाकारांचा समावेश आहे. ज्यांच्या ट्विटर अकाउंटवरून ब्लू टिक हटवण्यात आली आहे.

ब्लू टिकसाठी किती पैसे मोजावे लागणार ?

  • Twitter Blue ची किंमत ही प्रत्येक ठिकाणानुसार बदलत असते आणि तुम्ही कसे साइन अप करता यावर अवलंबून असते. भारतातातील वेब वापरकर्त्यांना ट्विटर ब्लू साठी दर महिन्याला ६५० रुपये आणि Android आणि iOS वापरकर्त्यांना दर महिन्याला ९०० रुपये मोजावे लागणार आहेत. ट्विटरच्या या निर्णयामुळे प्रसिद्ध व्यक्ती, पत्रकार, सरकारी अधिकारी आणि सामान्य लोकांना यापूर्वी मोफत ब्लु टिक मिळत होती त्यासाठी त्यांना आता पैसे मोजावे लागणार आहेत.

पाकिस्तानचे परराष्ट्रमंत्री बिलावल भुत्तो पुढील महिन्यात भारत दौऱ्यावर

  • पाकिस्तानचे परराष्ट्रमंत्री आणि माजी पंतप्रधान दिवंगत बेनझीर भुत्तो यांचे पुत्र बिलावल भुत्तो पुढील महिन्यात भारताच्या दौऱ्यावर येणार आहेत. शांघाय सहकार्य संघटनेची (एससीओ) बैठक ४ आणि ५ मे रोजी होत आहे. त्यामध्ये बिलावल सहभागी होतील, अशी घोषणा पाकिस्तानच्या परराष्ट्र मंत्रालयाने गुरुवारी केली. बिलावल यांच्या भारतभेटीमुळे दोन्ही देशांदरम्यान चर्चा नव्याने सुरू होण्यास संधी मिळेल अशी अपेक्षा आहे.
  • गोव्यामध्ये ४ आणि ५ मे रोजी होणाऱ्या एससीओच्या परराष्ट्रमंत्र्यांच्या बैठकीमध्ये बिलावल भुत्तो पाकिस्तानच्या शिष्टमंडळाचे नेतृत्व करतील, अशी माहिती पाकिस्तानच्या परराष्ट्र मंत्रालयाच्या प्रवक्त्या मुमताज बलुच यांनी दिली. गेल्या काही वर्षांपासून दोन्ही देशांमधील संबंध कमालीचे बिघडले आहेत. १४ फेब्रुवारी २०१९ रोजी पुलवामामधील दहशतवादी हल्ल्यानंतर भारताने प्रत्युत्तर देत बालाकोटमधील जैश ए मोहम्मदच्या दहशतवादी तळावर हल्ला केला. केंद्र सरकारने ऑगस्ट २०१९ मध्ये जम्मू आणि काश्मीरचा विशेष दर्जा काढून घेतल्यानंतर हे संबंध अधिक बिघडले. या पार्श्वभूमीवर बिलावल भुत्तो यांची भेट द्विपक्षीय संबंधांच्या दृष्टीने महत्त्वाची आहे. 

तुरळक उच्चपदस्थ भेटी

  • २०११ – पाकिस्तानच्या तत्कालीन परराष्ट्रमंत्री हिना रब्बानी खर यांची भारताला भेट
  • २०१४ – पाकिस्तानचे तत्कालीन पंतप्रधान नवाज शरीफ यांची पंतप्रधान नरेंद्र मोदी यांच्या शपथविधीला उपस्थिती
  • २०१५ – तत्कालीन परराष्ट्रमंत्री सुषमा स्वराज यांची पाकिस्तानला भेट
  • २०१५ – पंतप्रधान नरेंद्र मोदी यांची पाकिस्तानला भेट

_

चालू घडामोडी प्रश्नमंजुषा

_

दिनविशेष

२१ एप्रिल चे दिनविशेष पाहण्यासाठी (येथे क्लिक करा)

अधिक घडामोडी:

Latest Maharashtra Govt. JobsMajhi Naukri 2022
Home PageMPSC Today
Daily Current Affairs in MarathiChalu Ghadamodi

MPSC Current Affairs चे नियमित अपडेट मिळवण्यासाठी MPSC Today ला फेसबुक, ट्विटर आणि टेलिग्राम वर फॉलो करा.