Daily Current Affairs in Marathi (चालू घडामोडी) | 26 September 2022
Daily Current Affairs in Marathi: In this article, we have provided daily current affairs in Marathi. Useful for MPSC Rajyaseva, MPSC Grp B & C, Police, Talathi Bharti, and other competitive exam
RRB NTPC, बँकिंग, पोलीस आणि अन्य भरती परीक्षांमध्ये हे सामान्य ज्ञानावरील प्रश्न विचारले जातात. बहुतांश परीक्षांमध्ये करंट अफेअर्सशी संबंधित प्रश्न विचारले जातात. सामान्य ज्ञान विषयातले हे प्रश्न वर्तमान परिस्थितीशी निगडीत असतात.
२६ सप्टेंबर चालू घडामोडी
विक्रमी वेळेसह किपचोगे बर्लिन मॅरेथॉनचा विजेता:
- केनियाच्या एल्युड किपचोगेने स्वत:चाच जागतिक विक्रम मोडून काढत बर्लिन मॅरेथॉनचे विजेतेपद मिळविले. किपचोगेने २ तास १.०९ सेकंद अशा वेळेसह अर्ध्या मिनिटाने आपला जुना विक्रम मोडीत काढला. कारकीर्दीत १७ मॅरेथॉन स्पर्धामध्ये सहभाग घेणाऱ्या किपचोगेचे हे १५वे विजेतेपद ठरले. यात दोन ऑलिम्पिक आणि १० अन्य शर्यतींचा समावेश आहे.
- तसेच बर्लिन मॅरेथॉनमध्ये त्याने चौथ्यांदा विक्रमी वेळेसह जेतेपद मिळवले. मॅरेथॉनसाठी अत्यंत पोषक अशा सरळ मार्गावर किपचोगेने मार्क कोरिरला पाच मिनिटांनी मागे टाकत अग्रस्थान पटकावले. त्याने सुरुवातीपासून घेतलेला वेग कायम राखला होता. त्याने पहिले १० किमीचे अंतर केवळ २८ मिनिटांत पार केले.
- वयाच्या ३७व्या वर्षी किपचोगेने हे विजेतेपद मिळविले. या वयात जागतिक विक्रम मोडीत काढल्याने विजेतेपदाचा आनंद द्विगुणित झाला, असेही त्याने सांगितले. महिलांमध्ये इथियोपियाच्या तिगिस्ट अस्सेफाने २ तास १५ मिनिटे ३७ सेकंद अशी वेळ देत विजेतेपद मिळविले.
चंडीगड विमानतळाला शहीद भगतसिंग यांचे नाव; पंतप्रधानांची घोषणा:
- महान क्रांतिकारक स्वातंत्र्यसैनिक शहीद भगतसिंग यांचे नाव चंडीगड विमानतळाला देण्यात येणार आहे, अशी घोषणा पंतप्रधान नरेंद्र मोदी यांनी रविवारी केली. आकाशवाणीवरून प्रसारित होणाऱ्या मोदींच्या ‘मन की बात’ या कार्यक्रमात त्यांनी ही घोषणा केली. या वेळी ते म्हणाले, की, स्वातंत्र्याच्या अमृत महोत्सवातील महत्त्वाचा दिवस लवकरच येत आहे.
- २८ सप्टेंबर रोजी शहीद भगतसिंग यांची जयंती साजरी होणार आहे. त्या दिवशी ‘अमृत महोत्सव’चा महत्त्वाचा दिवस येत आहे. या जयंतीदिनापूर्वी या महान क्रांतिकारकाला अभिवादन म्हणून, चंडीगड विमानतळाला त्यांचे नाव देण्याचा महत्त्वपूर्ण निर्णय घेण्यात आला आहे,
- या संवादात भाजपचे नेते आणि विचारवंत दीनदयाळ उपाध्याय यांना श्रद्धांजली वाहताना मोदी म्हणाले, की ते एक प्रगल्भ विचारवंत आणि देशाचे महान पुत्र होते. चित्त्यांच्या भारतातील आगमनावर बोलताना त्यांनी सांगितले, की चित्त्यांचे आगमन १३० कोटी भारतीयांसाठी अभिमानास्पद आहे.
- एक कृतिदल चित्त्यांवर लक्ष ठेवेल. त्यांच्या अभ्यासांती देशातील सामान्य नागरिक चित्ते कधी पाहू शकतील, हे ठरवले जाईल.
कुलदीपच्या हॅट्ट्रिकमुळे भारत-अ संघाचा विजय:
- ‘चायनामन’ फिरकीपटू कुलदीप यादवने हॅट्ट्रिकसह चार बळी मिळवल्यानंतर पृथ्वी शॉने (४८ चेंडूंत ७७ धावा) केलेल्या फटकेबाजीच्या जोरावर भारत-अ संघाने दुसऱ्या एकदिवसीय सामन्यात न्यूझीलंड-अ संघाचा चार गडी राखून पराभव केला. यासह भारत-अ संघाने तीन सामन्यांच्या मालिकेत २-० अशी विजयी आघाडी घेतली आहे.
- प्रथम फलंदाजी करताना न्यूझीलंड-अ संघाचा डाव ४७ षटकांत २१९ धावांवर आटोपला. जो कार्टरने ७२, तर रचिन रिवद्रने ६१ धावांचे योगदान दिले. कुलदीपने लोगन व्हॅन बिक (४), जॉ वॉकर (०) आणि जेकब डफी (०) यांना सलग तीन चेंडूंवर बाद करत हॅट्ट्रिक साकारली. त्याने ५१ धावांत चार गडी बाद केले. त्याला राहुल चहर आणि रिषी धवन यांनी प्रत्येकी दोन गडी बाद करून सुरेख साथ केली.
- त्यानंतर पृथ्वीच्या तडाखेबंद खेळीमुळे भारत-अ संघाने २२० धावांचे लक्ष्य ३४ षटकांत सहा गडय़ांच्या मोबदल्यात गाठले. पृथ्वीला ऋतुराज गायकवाड (३०), संजू सॅमसन (३७) यांची साथ मिळाली.
तिरूपती बालाजीची संपत्ती जाहीर, मालमत्ता, ठेवी, सोन किती?; आकडेवारी पाहून थक्क व्हाल:
- तिरुपती बालाजी देवस्थान देशातल्या श्रीमंत मंदिरांपैकी एक आहे. देश-विदेशातून तिरुपती बालाजीचं दर्शन घेण्यासाठी भाविकांची प्रचंड गर्दी उसळलेली पाहायला मिळते. या मंदिराला मोठ्या प्रमाणात भाविक देगण्याही देतात. त्यामुळे मंदिराच्या संपत्तीची नेहमीच चर्चा असते. त्यात आता मंदिर प्रशासनाने आपली संपत्ती आणि मालमत्ता जाहीर केली आहे.
- तिरुपती मंदिराचे चेअरमन वाय वी सुब्बा रेडी म्हणाले, देशात देवस्थानाच्या ९६० मालमत्ता आहेत. या मालमत्तांची किंमत ८५,७०५ कोटी रुपये आहे. १९७४ ते २०१४ सालादरम्यान वेगवेगळ्या सरकारच्या अंतर्गत मंदिर समितीने ११३ मालमत्ता निकाली काढल्या आहेत. मात्र, २०१४ नंतर एकाही मालमत्तेची विक्री केली नाही.
- राज्य सरकारच्या निर्देशांचे पालन करुन मागील विश्वस्त मंडळाने दरवर्षी संपत्ती आणि मालमत्तेची श्वेतपत्रिका प्रसिद्ध करण्याचा संकल्प केला होता. त्याप्रमाणे २०२१ साली पहिली तर, यंदा दुसरी श्वेतपत्रिका काढण्यात आली आहे. दोन्ही श्वेतपत्रिका तिरुपती देवस्थानच्या संकेतस्थळावर टाकण्यात आल्या आहेत. भाविकांना पादर्शक कारभार आणि देवस्थानाच्या संपत्तीचे जतन करण्याचे वचन देतो, असे सुब्बा रेड्डी यांनी स्पष्ट केलं.
- दरम्यान, तिरूपती बालाजी देवस्थानाची विविध राष्ट्रीयकृत बँकांमध्ये १४ हजार कोटींहून अधिक रुपयांच्या ठेवी आहेत. तर, १४ टन सोन्याचा साठाही देवस्थानाकडे आहे. त्यामुळे तिरूपती बालाजी देवस्थान जगातील सर्वांत श्रीमंत मंदिर म्हणून ओळखले जाते. ‘टाईम्स ऑफ इंडिया’ने याबाबत वृत्त दिलं आहे.
_
चालू घडामोडी प्रश्नमंजुषा
_
दिनविशेष
२६ सप्टेंबर चे दिनविशेष पाहण्यासाठी (येथे क्लिक करा)
अधिक घडामोडी:
- २५ सप्टेंबर २०२२ चालू घडामोडी
- २४ सप्टेंबर २०२२ चालू घडामोडी
- २३ सप्टेंबर २०२२ चालू घडामोडी
- २२ सप्टेंबर २०२२ चालू घडामोडी
- २१ सप्टेंबर २०२२ चालू घडामोडी
Latest Maharashtra Govt. Jobs | Majhi Naukri 2022 |
Home Page | MPSC Today |
Daily Current Affairs in Marathi | Chalu Ghadamodi |